الخميس، 17 ديسمبر 2009

خَـــــمْـــرُ الــــحيـــــاة..




يادوب خلصنا مـن الحـب يـادوب

يادوب عالجنـا الجـروح الطرايـا 

حركت إنسـانً حلـف إنـه يتـوب

وجاء يرتكب بالشعر بعض الخطايـا 

ياطاغيً كلك على الناس ب/أسلـوب

أشغلتنـي وأعلنـت لـك منتهايـا 

يازايدً حسنك علـى كـل رعبـوب

سبحـان منهـو واهبـك هالمزايـا 

من جيتني عقلي مع القلب مسلـوب

وجيتك على كفـي أشيـل الهدايـا 

تعال خذ قلبً مشى بالهـوى دروب

جرب وعاش وشاف , , خط الوصايا 

تعال وأحضني على الصدر ب/أذوب

ياذبـت أنـا ولا تـذوب الحنـايـا 

تعال بنفاسك دفـاء تلهـب قلـوب

حـرك مشاعـر ساكنـه بالزوايـا 

خمر الحياه اللي يقولـون مسكـوب

عنـدك سكـن يافاتنـي بالشفايـا 

ومن ذاق من صافي شفاياك مشروب

يدمـن عليـه ولاتفـيـد الكـوايـا 



محمد البقمي

هناك تعليقان (2):

  1. كنت ابحث بقوقل وطحن على مدونتك

    راقيه ورايقه

    وشاكر لك تواضعك وتشريفي بتواجد حرفي هنا

    محمد البقمي

    ردحذف
  2. اهلين اخوي محمد الشرف لي ولمدونتي المتواضعه بحضورك

    وقصائدك ذات رونق خاص تحياتي لك وشكرا على زيارتك

    ردحذف