الأحد، 20 ديسمبر 2009

أمـــــــــــانة..







امانة يا السحاب اللي توجه للقصيم عصير 

*** تركد واحمل الاشواق معك لسيد خلاني


واذا جيت بطرف بريدة تهلل وانهطل بالخير 

** وعانقها بأشواق الغلا يوم الغلا جاني 



وعطها نبذة اخباري وعطها موجز التقرير

** وعطها سالفة حبٍ سكن في وسط وجداني


انا ما اقدر على وصفه وخانت روعة التصوير

** دخوله انعش فوادي مثل همال المزاني


بناله عرش واستوطن ونفذ خطة التهجير

**وهجر من سكن قبله بلا رحمة وتحناني


عقب ما كانت ضلوعي تشكى من العطش للبير

**تروت من غلا حبه وفاضت كل كيساني



وانا مانيب طايع في هواها عاذل ومشير

** ابعطيها الغلا الي ما عطيته واحد ثاني



وابكتب في سما الصفحة واعبر للهوى تعبير

** وابشطب ما نجرح قلبي وابنسى كامل احزاني


حياتي قبلها كانت بدايت مرحلة تطوير

** وبعد ما حلت بقلبي ثبت اسمي وعنواني

ليست هناك تعليقات:

إرسال تعليق