لا تسأليني شفيك؟ مدري شفيني ؟!!
ضايق واسولف للسما وانزف انفاس
ما كني اللي كنت اسابق سنيني
عشان اكون بعيني اطيب الناس
احيان ابيني شخص عيّا يبيني
اصدق من انه يعتذر لي بـ لا باس
واحيان اجيني وانتظر من يجيني
حتى لو انه حاطب ضلوعي بفاس
صرت اتلفت لا جات عيني بعيني
صرت انتفض لا مرني طاري الياس
حتى الكلام اللي يعرق يديني
صار يتمنن في الليالي وانا حاس
انه كفر بي قبل اكفّره فيني
وانا اعتبرته جلد وايامي لباس
ودي لو اصحى يوم فاقد حنيني
وما عاد فيني للمدى ذرة احساس
يمكن اقدر وقتها احتويني
اقلها ما انصدم بـ اقرب الناس !
ليست هناك تعليقات:
إرسال تعليق