Google+ Badge
الأحد، 31 يناير 2010
السبت، 30 يناير 2010
الجمعة، 29 يناير 2010
1000 بـــسم الله عليك,،,،
التسميات:
شعر
الخميس، 28 يناير 2010
يــــــاصاحبي...
ياصاحبي لاتجي وتقول لـي قالـوا
لوقلت ماقلـت غيـــر الله يجازيهـــم
لاشفت بعض الأوادم للـــردى مالــوا
نفضتهم من عيونـي قبـل أخليهـم
يكفيني القـدر نلتـه يـوم مانالـــوا
الا أو أقول مابغى أجيـب طاريهـم
ماقول غير أنت لامن حطـوا وشالـوا
تعـوذ برحمـة الله مـن أساميهــــم
وذكرهم أن العمار إن طالت وطالـوا
الخالـد الذكـــر ولا المـــوت قافيهــم
أم أنت ياقـلـب لـو صالوبـك وجالـوا
خلك مثل ماأنت لاتشرهه على يديهم
الناس مـن خلقة الدنيـا ومازالـــوا
عيـال رجـال لكـن فيهـم وفيهـــم
ذولاك من عرض ناس مالي إن مالوا
الا أني أسكت وأقــول الله يجازيهـم
فــــهـــــد المساعد
الأربعاء، 27 يناير 2010
الثلاثاء، 26 يناير 2010
الاثنين، 25 يناير 2010
صبــــــاح الخير....
صباح الخير والا الخير يــــهدي لك صــــباحاته
..........صباح الورد .. ياورد العمر .. يانغــمة اشراقي
صباح الما على وجه العطش يحكي ملاقاته
.....صباح النور ...أية نور ؟؟ من غيرك على اوراقي
صباحك فلّ واحلى فلّ يا طـــهره و نبضاتـه
...صباحك هو بياض الروح .... صبـاح الروح ياراقي
صباح الصـــــــدق لا منه كتبني في معاناته
..وصدق الصبح ..!! لميـته ( ثمان سنين ) باحداقي
تخيلها (ثمان سنين) وحلــــمي في ملفاته
....بدولاب العمر يشهق..!! وانا قول..... العمر باقي
ولا ليله نسيت الحلم ...تخيل / جرح لذاته
....تخيل / كم هزيمه عشت .... ونــا للروح تواقي
لقيتك ياقدرّ عمري على رغم / انكساراته
...لقيتك والعجب طاغي ... و وردك ينتظر ساقي
أسميها / حكاية روح / حلم يخون يقظاته
..أسميها / حكاية صبح >>صباح الحب واغراقي
صباح الما وتهذيبه ونيلي عاث بفراته
....صباح السيل / يا غيثً....تسلل داخل اعماقي
صباح
........السيل
............... لا منه
.........................نسي
.................................عمره
.........................................و وقفاته........وراح يقلب الدولاب >>>> ملفه كان علاقي
الأربعاء، 20 يناير 2010
يامسندي
طال السكوت .. وضاق صدر السواليف
والبال .. من كثر الهواجيس عايف .!
والليل طااال .. وطارق الصبح ماشيف.!!
وانا .. وصمت الحزن .. صرنا ولايف
اسج .. مع هجس الطواريق .. واعيف
هجسي .. وطاروق الضلوع النحايف .!
تجوع .. سلمى .! واترك .. الكم .. والكيف !
واقسم .. رغيفي بيننا بالنصايف .؟
اقرأ .. وتكتبني .. قضيه , وتعريف
وتظمى . وتشربني .. نحيب , وذرايف !!
صمت الشعور .. احساس .. ماله تواصيف
أكبر من حروف الحكي , والوصايف ..؟؟
يا سيف كيف اشرح لك الوضع يا سيف ؟؟
اقلامنا جفت ورفعت صحايف .!!
كيف ابتدي يامسندي .. وانتهي كيف ؟؟
من دون كيف ؟ انا مثل مانت شايف .،!
شفني بقايا انسان والوقت كالسيف .!
وحظي كفيف ..! وفرحتي .؟ حلم زايف !
همي بحر .. وضلوع صدري .. مجاديف
والعمر مركب .. بين الأمواج طايف .!
وقلبي وطن .. وعروق قلبي تجاووويف
للحزن .. وهمومي .! شعووب وطوائف ..!
صوعات بقعا .. والقدر .. والصواديف
ورتني اهوال السنين العجايف
أتبع .. "خريف العمر" في رحلة الصيف ..!
وازحف .. على حد السيوف الرهايف ..
الليل .. مفتاح السهر والتكاليف
والصبح .. مفتاح القهر والحسايف
والصبر .. مفتاح الضلوع المناحيف .!
والحزن .. مفتاح الجروح الرعايف !!
والمصلحه .. مفتاح باب المواقيف
والواسطه .. مفتاح باب الوظايف ..!!
والفقر .. يفتح للوجيه المصاليف
باب الصلافه و الضعايف ضعايف
لاصار لك حاجه ولالك معاريف
بشت القناعه ........,.......,... .!
ان قلت لك خايف ! ترى ماني ضعيف
ولاني شجاع !! ان قلت ماني بخايف ؟
ياسيف وش عذر المعازيب للضيف ؟
لامنها ضاقت صدور المضايف .!
قل للسوافي لوتهب العواصيف
عنها رقينا عاليات النوايف ..
تسفي وحنا فوق روس المشاريف
في راس نايف .. والخلايف .. خلايف
وقل للضعوف اللي تحسب المصاريف
حنا ترانا ماحسبنا الكلايف
لوشحت .. يدين الزمان .. المناكيف
نبقى على .. عهد الوفا .. مانزايف
وان طال .. بال الليل .. قل للسواليف
بوح السهر من ظيقه الصدر عايف ..!
الاشتراك في:
الرسائل (Atom)