وط صوتك حبيبي .. السمـاء تسمعـك !
ليه تفضـح زعلنـا البارحـة لـلمطـر .
ماتخاف إن لمحك تصيـح .. جـاء يتبعـك
وتغـرق هالمدينـة .. مـن سبايـب قهـر
صب كـل الحكـي بإذنـي ترانـي معـك
وإن سكرت .. إعرف إن عيني تحسبك خمر
ولا تقول الهبوب اللـي مسـح مدمعـك
والله أن أربط يديـه .. بيديـن الشجـر ..
ما يمسّح دموعـك .. غيـر مـن يمنعـك
ومن يبي يمنعك غيري .. مدامك سحـر .. !
خلني بين قلبـك وبيـن نحـف أضلعـك
يمكن إن شافني قلبـك .. يـدور عـذر .
كنك الرجـم .. وإيدينـي تبـي تطلعـك
وآتمايـل وأصيـر .. معلـق ٍ فـي حجـر
لا وصلت لغـلاك .. ولا قـدرت أجمعـك
ولا بقى بيـن هالثنتيـن .. غيـر الصبـر
يا كبر قدرك بقلبـي .. ويـا مسرعـك !
لا تمشيت مـع دمـي .. وأشوفـك تمـر
يوم كنت تحكي لي .. كنت أبوس إصبعك ..
ويوم طال الكلام .. شوي قلـت : أنتظـر
لا رقيت لخدودك .. مـن يبـي ينفعـك !!
مـا يـرد الظـلام .. الا طلـوع الفجـر
وط صوتك حبيبي .. لـو أنـا ماأسمعـك
مابي أحد ٍ يشاركنـي .. بصـوت القمـر
ليست هناك تعليقات:
إرسال تعليق