الأربعاء، 10 فبراير 2010

اخترني حبيبك قبل كل الناس ●●



ذهب كل الكلام وفضته00 يوم السكوت نحاس 
قبل ماأشوفك00 أشوفك نهر من منبع عذوبه 

أحبك من زمان البرد 00 أحبك من زمان الياس 
كثر ما أصـحى من أيام الوله 00 وأدخل في غيبوبه 

أنا وحدي حبيبك00 لو قريتك في وجيه الناس 
ولو وجهك ذنوبٍ 00 مالها في سجدتي توبه 

تجي مثل العزا 00 بعد العزا00 في غيبة الاعراس 
وتروح أشبه بدمعه 00 فـ  الورق 00ب الصمت مكتوبه 

معك حلمي من الماء 00 والمياه تكذب الغطاس 
ياكثر اللي غطسوا00 في حبك الهايج وغرقوا به 

مجاريحٍ نفاهم دربهم 00ل عيونك النـعّـاس 
تعدوا ينشدون الصبح00 عن رمشك وضاعوا به 

يحطبون الضلوع 00ف غابة أيامك بليا فاس 
شتاهم ضحكة شفاهك 00 وشافوا نار مشبوبه 

وأنا البارح عيوني في عيونك00 مرها وسواس 
بنيت سنيني البيضاء لها00 طوبه على طوبه 

قم اجلس بالحنايا 00 قبل مايغتالك القرطاس 
شعرت إنك تبي تهرب00 ورى النسيان ودروبه 

أنا محتاج لك 00 محتاج لي؟ 00 لا تنشد الانفاس 
عن أكبر حاجةٍ 00 ف اقصى شاعرك محجوبه 

جلست مقابلك وجهٍ 00 لوجه ب جنبي الهوجاس 
إذا مستقبلي وجهك 00 ورى الاحلام مرعوبه 

تهيلتك طعم هيلٍ ب فمي00 من بعد طعم إعماس 
ب فنجالٍ نعس من نظرتك00 ب أهداب مصبوبه 

اذا مايعشق العاشق سهر00 شكواه بعد نعاس 
ينام أحسن له 00 ويمسح دمووعه في طرف ثوبه 

وأنا أعظم من يحب اليا هدا00 باله عقب ماانحاس 
اعيش بكبريا 00 والقلب بين يدين محبوبه 



مطر هذا الوصل 00 يوم الهجر يملا الضلوع يـباس 
وعسى الماطر على يابس ضلوعي00 يرخي إنصوبه 

وأنا قلبي وطن أرضه سمـاك 00 وبيته الكراس 
جبينك شمسه 00 ف صبح الوله وجروحك شعوبه 

أنا قدامك 00 اخترني حبيبك قبل كل الناس 

أو إني مثل عشاق 00 هووا رمشك وضاعوا به

ليست هناك تعليقات:

إرسال تعليق