Google+ Badge

الأحد، 28 فبراير، 2010

الحلم نصف المحال وراس مآل الفقيـر



الصمت صوت الصبور ودمع عينه كلام

والحلم نصف المحال وراس مآل الفقيـر

 
والجرح طرقي .. قلَط في وسط صدري ونام .!
لاشاقه البوح جالـه فـي ضلوعـي هديـر

هذا أنا .. من كثر مابـي شجـون وهيـام .؟
أحسٌ ما عاد فصدور المشاعـر ضميـر .!

يا صاحبي لو لمحـت فطـرف عينـي مـلام
مال المشاريه في خافـق نديمـك حصيـر

غيبه بـلا عـذر دقٌـه فـي صميـم العظـام
وصدفه بليا وعـد تسـوى فعينـي كثيـر !

أنت أنت / مهمـا غلبـك الوقـت والانهـزام
تبقى لـي الفـيٌ لا طالـت يديـن الهجيـر

وأنت أنت / لا هزٌت الوحشه غصـون الغـرام
أسكبك قاف وتسيل فعيـن شوقـي غديـر

لاصار حتـى جروحـي مـن غيابـك حشـآم
لن سالت الما ولـن فاحـت تشـمٌ العبيـر
 
معذور لن غبت .. / لكـن لا يطـول الظـلام
فعيون من هو يشوف النور دونك ضريـر !

لك في حضورك مقام / وفـي غيابـك مقـام
ولي في غيابك مصير / وفي حضورك مصير

أقرا علي الهـوى وأختـم صكـوك الوئـام
وأنفض غبار الجفآ .. من فوق متن الكسير

دامك قريٌب .. فأنا وضعـي علـى مـا يـرام
ودامي أحبٌك .. فأنـا والله خفوقـي بخيـر

ليست هناك تعليقات:

إرسال تعليق