Google+ Badge

السبت، 7 نوفمبر، 2009

عين المواجع...


ماتروح!
دامها للروح ... روح !
ودام أحس إن الأمل للحين باقي..
مايهم إن كنت لين اللحين .. شاقي ..!
مايهم إلا إذا راحت ..
وبقّت لي ..
جروح !




و.. الملم مابقالي من " أحاسيس " وأجي مكسور !
وحيد .. ولا على بالي سوى " إنسان" ناسيني !

و.. اطيح ويذبل بــ عيني صباح .. مايفز بــ نور !!
وانادي يا عناويني .. وانادي ياعنا ..... ويني !!!؟

ثلاث سنين من عتمة ظلامك ! يا ضياّ الديجور
يموتك حلم ! وتموتك سحايب ... من ورى عيني !!

افـــ يدي حلم غناه الزمان .. وطار به .. عصفور !
يزفّه للغمام اللي ......... تهجّا .. رحلته فيني !!

و.. اتمتم " هي هنا كانت " !؟ وينبت للحنين شعور !
واتمتم " ليت ما كانت " ! واضيع .... و لا ألاقيني !

و.. ادورني ورى جرحي ! وتزهر في حشاي قبور !
واكفن " عورة همومي " وادور .. منهو يرثيني !!

هنا كان المسا .. بارد حزين و مكتئب مقهور !
هنا .. واإلا هنا ... وإلا هنيّا ... صرت .. مابيني !!

أنا ماطحت من " عين المواجع " يوم انا مكسور !!
أنا من كثر مافيني مواجع ... " طحت من عيني " !!








ماتموت !
دامها تطلع مع انفاسي وتفوت !
ودامي اقطف من هوى التحنان توت !!
ودام أحس ان الوفا باقي معاي !
برمي الدمعة ورى همي ..
وراي !!
وبصرخ بــــ جرحي الحزين :
أص ياجرحي !!




ليست هناك تعليقات:

إرسال تعليق